Бичил Глобус нь 2008 онд санхүүгийн үйлчилгээг иргэд, өрх болон бичил бизнес эрхлэгчдэд илүү хүртээмжтэй хүргэх зорилгоор үүсгэн байгуулагдсан.

Тухайн үед банк, санхүүгийн байгууллагуудын зээлийн үйлчилгээ ихэвчлэн тогтмол орлоготой, барьцаа хөрөнгөтэй иргэдэд чиглэж байсан тул зах худалдаа эрхлэгчид, жижиг бизнес эрхлэгчид болон өрхийн орлогоо нэмэгдүүлэх хүсэлтэй иргэдэд санхүүжилт авах боломж хязгаарлагдмал байв.

Энэхүү хэрэгцээг олж харсан Бичил Глобус нь барьцаагүй, шуурхай бичил зээлийн үйлчилгээг нэвтрүүлж, харилцагчдынхаа санхүүгийн хэрэгцээг илүү ойроос шийдвэрлэж эхэлсэн.

Өнөөдөр Бичил Глобус нь 18 жилийн туршлагатай, 16 салбар нэгжтэй, олон мянган харилцагчийн итгэлийг хүлээсэн, нийгэмд эерэг өөрчлөлт түгээж буй санхүүгийн байгууллага болон өргөжин тэлээд байна.

Бичил Глобус нь харилцагчдын бизнес, өрхийн болон хувийн санхүүгийн хэрэгцээнд нийцсэн уян хатан зээлийн бүтээгдэхүүн, үйлчилгээг санал болгож, санхүүгийн шийдвэрийг илүү хурдан, хүртээмжтэй болгоход чиглэдэг.

Мөн хөрөнгөөр баталгаажсан үнэт цаас, бонд, итгэлцэл зэрэг хөрөнгө оруулалтын бүтээгдэхүүнээр дамжуулан харилцагч болон хөрөнгө оруулагчдын санхүүгийн боломжийг өргөжүүлж, урт хугацааны үнэ цэн бий болгохыг зорьдог.

Жижиг бизнес бүрт өсөж тэлэх боломж бий. Харин зөв цагт хэрэгтэй санхүүгийн дэмжлэг авах нь тэрхүү өсөлтийг бодит болгох чухал алхам юм.

Бичил Глобус нь бизнесийн онцлог, улирлын хэрэгцээ, зах зээлийн нөхцөл байдлыг харгалзан харилцагчдаа тогтвортой өсөлтөд чиглэсэн санхүүгийн шийдлээр дэмждэг.

Ингэснээр өнөөдрийн жижиг бизнес маргаашийн дунд, цаашлаад том бизнес болон хөгжих боломжийг хамтдаа бүтээж байна.