Хүний нөөц

айгууллага нь ажиллагсаддаа ажиллах урам зориг, итгэл төрүүлэх, тэдний амьдралын баталгааг хангах, нийгмийн асуудлыг шийдвэрлэх зорилгоор албан ба албан бус хөнгөлөлт, тусламж дэмжлэг үзүүлдэг. Ажилтны тогтвортой ажилласан байдлыг харгалзан хэрэглээнд зориулан хүүгүй, барьцаагүй зээл хэлбэрээр санхүүгийн дэмжлэг үзүүлдэг. Ажилтан бүрийг хуримтлалтай болгохын тулд "Хуримтлалын БИ сан"-г байгуулж ажилтны ирээдүйд хөрөнгө оруулж байна. Ажилтан сар бүр тогтмол дүнгээр хуримтлал хийнэ. Ажил олгогчоос сар бүр ижил дүнгээр ажилтанд хуримтлал нэмж олгоно. Ажилтан бүрт утасны дугаар эзэмшүүлж, ярианы төлбөрийг байгууллага хариуцаж байна. Нийт ажилтнуудын дунд Эвент арга хэмжээнүүдийг жил бүр тогтмол зохион байгуулж, уламжлал болгоод байна.

Цалин хөлсний бодлого нь чадварлаг мэргэшсэн ажилтнуудыг өөртөө татах, тэднийг тогтоон барих, ажилтны өрсөлдөх чадварыг нэмэгдүүлэх, үр бүтээлтэй ажиллах хүсэл эрмэлзлийг төрүүлэхэд түлхэц үзүүлэхэд чиглэгддэг. Цалингийн доод хэмжээг зах зээлийн жишиг цалингийн дундаж хэмжээнээс багагүй байх зарчим баримталж байна. Ажлын гүйцэтгэлтэй уялдуулсан /KPI/ сар бүрийн болон жилийн нэмэгдэл цалин олгох урамшууллын систем хэрэгжүүлж байна. Мөн шилдэг ажилтан, салбар шалгаруулж, урамшуулдаг уламжлалыг бий болгосон.

Компанийн сургалт хөгжлийн гол зорилго нь ажилтнуудын хувь хүний хөгжлийн болоод мэргэжлийн мэдлэгийг байнга дээшлүүлж ажилд нь мэргэшүүлэх, шинэ мэдлэгийг бий болгох, ур чадварыг дээшлүүлж, албан тушаал дэвшиж ажиллах нөхцөлийг бүрдүүлснээр ажилтнуудын үр бүтээлтэй ажиллах хүсэл эрмэлзлэлийг төрүүлэх улмаар компанийн өрсөлдөх чадварыг нэмэгдүүлэхэд оршино.